my speech in front of my class

Hi friends
Thursday ko mere school me seminar  tha jisme sab students ko ek topic par bolna tha- to maine socha ki mujhe b bolna padega to maine school se aakr dr. sachin sir ko call kari ki mera kal presentation hai or  mujhe practice karni hai, to sir ne mujhe shaam ko aane ke liye kaha
to main aaya or fir sir ne meri videos banai or paractice karai or mera confidence badhaya. hamne 2 hours practice kari .

sir ne mujhe ghar par b video banane ke liye kaha to maine aisa hi kiya or practice karta gaya
phir subha uthne ke baad sir ne mujhe dobara call kari o pura topic dobara suna .
phir main school main pahuncha or kuch der baad seminar shuru hua
sachin sir ne mujhe sabse pehle bolne ko kaha tha
par meri students ke saamne bolne ki himmat nahi hui  or five students nain speech de di thi
ek baar to khayal aaya ki nahi bolunga par tabhi feel hua ki agar bolna hi nahi tha to itni mehnat kyon ki or sir ko bhi pareshaan kiya to maine socha ki bolna hi padega .
to maine apna hath khada kar liya ki ab main bolunga par princial mam ne mujhe dekha par unhe laga ki ye bol nahi paayega to unhone kisi or ko bula liya
agli chance main phir maine hath khada kiya to mam ne pucha "you will speak?"
to maine kaha "yes mam"
to mam ne kaha ki aayo bolo.
or jab main seat se utha to mujhe ekdum se dar lagne laga ki agar aaj atak gaya to bahut insult hogi , sab majak banayenge etc. or jab main utha to students hasne lage ki aaj b ye rukega.
or main stage par khada ho gaya to sir ne kaha tha ki pehle sabse eye contact maintain karna hasna fir start karna par main itna dar gaya tha ki sidha jaakar start karne laga or main good morning par hi stammer kar gaya ek baar to laga ki kaam kharab ho gaya par main thoda ruka or phir se start kiya.or phir to main bolta hi raha .

jab main bol raha tha to sab meri baat bade dhyaan se sun rahe the.
or maine apna topic complete kar diya.
phir main apni seat par  baith gaya. to principal mam bahut khush hui or mujhe ek gift b diya or sabhi students hairaan the koi keh raha tha ki aaj kamal kar diya, kisi ne kaha ki sabse acchi speech di etc.
or main bahut khush tha.
mujhe lag raha tha ki main koi sapna dekh raha hun.
ek ladka meri bahut baar mazak banata tha usne mere paas akar mujhe sorry bola.
aaj pehli baar main aapni or dusron ki nazron main kuch tha.mujhe pehli baar laga ki main kuch kar sakta hun.
isse mujhe ye sabak mila ki agar practice karo or khud par or apne teacher par bharosa rakho to kuch bhi mushkil nahi.
ab mainlst main Dr. Sachin ko thanks karta hu ki unhone mujhe bolne ki himmat di or mujhe guide kiya.
thanks